buldhana tatkal virus news :बुलढाणा जिल्ह्यातील शेगाव आणि नांदुरा तालुक्यांमध्ये अनेक नागरिकांना टक्कल पडल्याच्या धक्कादायक घटनेने महाराष्ट्राच्या राजकीय वर्तुळात खळबळ उडाली आहे.
या प्रकरणाचे पडसाद आता विधानसभेत उमटले असून, आरोग्य राज्यमंत्री मेघना बोर्डीकर यांच्याविरुद्ध हक्कभंग प्रस्ताव दाखल करण्यात आला आहे. काँग्रेसचे आमदार धीरज लिंगाडे यांनी बुधवारी, २६ मार्च २०२५ रोजी हा प्रस्ताव मांडला.
Whatsap News / मुख्यमंत्री फडणवीस यांची क्रांतिकारी घोषणा: सरकारी सेवा आता व्हॉट्सअॅपवर उपलब्ध
आमदार लिंगाडे यांच्या आरोपानुसार, मंत्री बोर्डीकर यांनी विधान परिषदेत या प्रकरणाबाबत चुकीची माहिती देऊन सभागृहाची दिशाभूल केली आहे. पद्मश्री डॉ. हिम्मतराव बाविस्कर यांनी केलेल्या संशोधनानुसार, सरकारी रेशनमधील गव्हात आढळलेल्या सेलेनियमच्या अतिरिक्त प्रमाणामुळे केसगळतीची समस्या उद्भवली होती.
मात्र, मंत्री बोर्डीकर यांनी सभागृहात याच्या विरोधात माहिती दिली, असा आरोप लिंगाडे यांनी केला आहे.
विधान परिषदेचे सभापती राम शिंदे यांनी या हक्कभंग प्रस्तावाची दखल घेतली आहे.
या प्रकरणाने राज्याच्या आरोग्य व्यवस्थेवर प्रश्नचिन्ह उपस्थित केले असून, सरकारी धान्य वितरण प्रणालीच्या गुणवत्तेबाबतही चिंता व्यक्त केली जात आहे.
शेगाव तालुक्यातील १२ गावे आणि नांदुरा तालुक्यातील एका गावात केसगळतीचे रुग्ण आढळले होते.
buldhana tatkal virus news :: या घटनेमुळे स्थानिक नागरिकांमध्ये भीतीचे वातावरण निर्माण झाले होते. डॉ. बाविस्कर यांच्या संशोधनानंतर, बाधित व्यक्तींच्या लघवी, रक्त आणि केसांमध्ये सेलेनियमचे प्रमाण अधिक आढळून आले होते.
